يناير ويونيو وخيارات الغد

كنت قد كتبت مجموعة من التغريدات وطلب مني البعض وضعها معاص في تدوينة واحدة وها هي:

1- أياً كان ترتيبة 30 يونيو اتعملت إزاي، حكم الإخوان كان حكم فاشي وكان لازم نخلص منه لأنه مستحيل كان يدي فرصه لحد غيره يحكم، وشفنا بعنينا.
2- بصراحة يوم 30 يونيو نفسه كان فيه أعداد أكتر من يوم 25 يناير نفسه وشرائح أكتر من المجتمع اشتركت فيه وبالذات حزب الكنبه، ده برضو شفته بعيني.
3- السيسي بإعلانه كان في الحقيقة بياخد مخاطرة لبقية حياته وده مش كلام وبس وتقدروا تشوفوا اللي حصل في باكستان واللي حصل في تركيا للجنرالات.
4- سواء السيسي انحاز للشعب أو هو كان مرتب، مش فارقة كتير، هو أخد خطوة وخلصنا من حكم الإخوان الفاشي وحط رقبته لبقية عمره هلى السيف.
5-اللي لازم يفهمه السيسي إن الحاجة الوحيدة اللي ممكن تحمي رقبته على المدى الطويل هو قيام تيار مدني وطني قوي يكون المصد الأهم ضد عودة الإخوان.
6- الداخلية والنظام القديم بحاله مش رادع لعودة الإخوان بل حافز ومساعد لعودتهم، ولو شالهم على ضهره هيكونوا ثقل فوق رقبته اللي تحتها السيف.
7- النظام القديم بداخليته بحزبه الواطي بشبكة مصالحه وفساده غير قابل للإحياء أو الاستمرار، فشله مش أكتر من طبيعة أمور، شيء حتمي، بديهي وهيحصل.
8- السيسي عنده اختيار إنه يقف جنب القوي الديمقراطية ونبني البلد على نضيف، أو إنه يساند الفلول والنظام الفاشل، فالنظام الفاشل ياخده ويسقط بيه.
9- اللي حصل من يوم الثلاثاء اللي فات خطر على السيسي وخطر على البلد وبياخدها في سكة أسوأ ما فيها هي إنها هتفتح باب للإخوان تاني، سكة ندامه.
10- أتمنى الجيش يرجع لعقله ويقف في صف القوى الديمقراطية ويعيد هيكلة الداخلية وتطهيرها ويقف ضد الفساد اللي بينخر في البلد، أمله وأملنا الوحيد.

بس كده. @kemety